BİZ KİMİK

“CultBaku” klubu 2017-ci ildə yaradıcı sahədə çalışan insanlar tərəfindən ərsəyə gətirilib. Klub mədəni tədbirlərdə iştirak etmək istəyən, eləcə də bu tədbirlərin təşkilində maraqlı olan insanlar üçün platforma xarakteri daşıyır. Klubun əsasının qoyularkən bütün mərhələlərdə Soho Club London”, həmçinin dünyadakı digər üzvlük əsasında çalışan göstərən özəl klubların fəaliyyətindən ilham alınıb.

BİZİM MƏQSƏDİMİZ

Biz mədəniyyətin inkişaf gücünə və onun cəmiyyətin üzvləri arasındakı əlaqələrin möhkəmləndirilməsindəki roluna, eləcə də, mədəniyyətlərarası əlaqələrin qurulmasındakı əhəmiyyətinə inanırıq. İncəsənətin və müxtəlif yaradıcı sahələrdə təcrübə mübadiləsinin bizim üçün hər zaman prioritet olan üzvlərimizin rifahına müsbət təsir etdiyinə inanırıq.

 

BİZİM MİSSİYAMIZ

Klubumuzun missiyası ortaq dünya görüşünə və yaradıcı bacarıqlara malik insanların bir araya gəldiyi cəmiyyətin yaradılmasıdır. Hədəfimiz müxtəlif mədəni tədbirlər və nüfuzlu yaradıcı insanlarla görüşlər təşkil edərək yerli mədəniyyətin mərkəzi olmaq və onu inkişaf etdirməkdir.

QeydiyyatQeydiyyat

KLUBA QOŞULMA SƏBƏBİ:

Biz Bakı Kitab Klubunda kitabların müzakirəsi və ya Şəbəkələşmə Klubunda sürətli əlaqə qurma kimi unikal tədbirlərin vasitəsilə bütün iştirakçıların qarşılıqlı faydalanmasına və özünü ifadə etməsinə fürsət yaradırıq.

Tədbirlərimiz arasında bu kimi özünəməxsus görüşlər də yer alır: “Embassy Series” (ölkənin diplomatik təbəqəsi ilə səmimi söhbətlər və ya master-klasslar), şəhərdəki ən yaxşı restoran və otellərdə kulba özəl nahar və axşam yeməkləri; təbiət qoynunda gəzintilər və konsertlər (musiqi qrupları ilə səyahət və s.).

Klubun digər mühim üstünlüklərindən biri də üzvlərə tərəfdaşlarımızdan və dostlarımızdan xüsusi mövsümi təkliflərin təqdim edilməsidir.Tərəfdaşlarımızın siyahısı ilə buradan tanış ola bilərsiniz.

ÜZVLÜK ÜSTÜNLÜKLƏRI:

  • Hər ay unikal tədbirlər
  • Yerli və beynəlxalq “Klub Dostları” tədbirləri
  • Bilet qiymətlərinə endirimlər (yerli və beynəlxalq konsertlər/tədbirlər/konfranslar/mühazirələr)
  • ​Tərəfdaşlardan eksklüziv endirim kartları 
  • ​Ayda bir dəfə Klub mütəxəssisləri (hüquqşünas, mühasib və s.,) ilə ödənişsiz biznes görüşləri
  • ​Yalnız üzvlər üçün Klub və tərəfdaşlar tərəfindən təklif olunan digər mövsümi və illik təkliflər