— Üzvlük tələbləri

Üzvlük aşağıdakı şərtlər yerinə yetirildikdən sonra aktiv hesab olunur:

• Mövcud Klub üzvünün tövsiyəsi
• Üzvlük üçün müraciət formunun doldurulması
• Üzvlük haqqının ödənilməsi

— Üzvlük üçün müraciət

Müraciət prosesi çərçivəsində üzvlərin əlaqə məlumatları  və şəxsiyyət vəsiqəsi nömrəsi üzvlüyün yoxlanılması və təhlükəsizlik məqsədilə toplanır. Bütün şəxsi məlumatlar məxfi saxlanılır və qanunla tələb olunmadığı halda üçüncü şəxslərlə paylaşılmır.

— Müddət və ödəniş

Üzvlük haqları 6 aylıq və ya 1 illik əsasda ödənilə bilər. Ödəniş müraciət Klub Administrasiyası tərəfindən təsdiqləndikdən sonra həyata keçirilir. Üzvlük üstünlükləri, o cümlədən tədbirlərə qeydiyyat və klub kommunikasiya kanallarına giriş, ödəniş alındıqdan sonra aktivləşir.

Üzvlük müddəti 6 ay və ya 1 ildir.

Üzvlük avtomatik olaraq yenilənmir. Müddət başa çatdıqda üzv yenidən müraciət etməli və bu müraciət Klub Administrasiyası tərəfindən təsdiqlənməlidir.

— Məxfilik və şəxsi məkana hörmət

Məxfilik Klubun əsas dəyərlərindən biridir. Klub üzvləri digər iştirakçıların və qonaqların şəxsi məkanına və məlumatlarının məxfiliyinə hörmət etməlidirlər. Əgər qarşı tərəf ünsiyyətə açıq deyilsə, onun bu istəyinə hörmətlə yanaşmaq xahiş olunur.

Tədbirlər zamanı foto və video çəkiliş minimuma endirilməlidir. Digər üzvlərin və qonaqların görüntüləri yalnız onların razılığı ilə çəkilə bilər. Klub tərəfindən müəyyən edilən telefon və çəkiliş qaydalarına da riayət olunmalıdır.

Klub bütün üzv məlumatlarını ciddi məxfi saxlayır. Şəxsi məlumatlar yalnız üzvlüyün idarə olunması və tədbirlərin təkmilləşdirilməsi məqsədilə istifadə olunur. Qanunla tələb olunmadığı halda, üzvlərin əlaqə məlumatları onların açıq razılığı olmadan üçüncü şəxslərlə paylaşılmır.

Rahat və hörmətli mühitin təmin edilməsi üçün üzvlərdən xahiş olunur:

• digər üzvlərin və qonaqların şəxsi məkanına hörmət etsinlər, icazəsiz foto və video çəkməsinlər;
• hər tədbir üçün müəyyən edilmiş geyim qaydasına riayət etsinlər; xüsusi qeyd olmadıqda smart casual tövsiyə olunur;
• nəzakətli və hörmətli davransınlar; aqressiv davranış, narahatlıq yaratmaq və şəxsi söhbətlərə müdaxilə yolverilməzdir;
• Klubun qaydalarına, o cümlədən onlayn kommunikasiya qaydalarına riayət etsinlər.

Klub Administrasiyası bu qaydaların ciddi və ya təkrar pozulması halında üzvlüyü müvəqqəti dayandırmaq və ya ləğv etmək hüququnu özündə saxlayır.

— ONLAYN KOMMUNİKASİYA

Klubun onlayn kanalları tədbirlərin koordinasiyası və yalnız üzvlərdən ibarət hörmətli icmanın qorunması üçün nəzərdə tutulub.

Üzvlərdən gözlənilir ki:

• müzakirələr yalnız Klub tədbirləri və fəaliyyətləri ilə bağlı olsun;
• digər üzvlərə qarşı hörmət və nəzakət nümayiş etdirilsin;
• qrupun məxfiliyi qorunsun və onun məzmunu icazəsiz şəkildə xaricdə paylaşılmasın.

Klub Administrasiyası bu qaydalar pozulduğu halda mesajları silmək, iştirakçıların imkanlarını məhdudlaşdırmaq və ya onlayn kanallardan çıxarmaq hüququnu özündə saxlayır. Qaydalar icmanın inkişafına uyğun olaraq vaxtaşırı yenilənə bilər.

Tədbir iştirak haqqı, əgər başqa cür göstərilməyibsə, əvvəlcədən ödənilməlidir.

İştirakın ləğvi aşağıdakı qaydalara əsasən mümkündür:

• tədbirdən 10 gün və daha çox əvvəl 100% refund — ödənişin 100% geri qaytarılması
• tədbirdən 3–9 gün əvvəl — ödənişin 50% geri qaytarılması
• tədbirə3 gündən az qalmış — ödənişin geri qaytarılması yoxdur

Tədbir yerində ödəniş daha yüksək iştirak haqqı ilə tətbiq oluna bilər.